Romantic Poetry I will build such a house for youمَیں تیرے لیے ایسا گھر بناؤں گا۔۔۔۔۔۔۔۔

 مَیں تیرے لیے ایسا گھر بناؤں گا

جس میں ریشم کا فرش ہوگا

چاندنی کی چھت ہوگی

سونے کی دیواروں پر

مَیں تیری تصویریں لٹکاؤں گا

میں تیرے لیے ایسا گھر بناؤں گا۔

جب تُو چاندی کے لباس میں

مخملی بستر سے سو کر نکلے گی

بہار تجھے سجدہ کرے گی

مَیں تیرے قدموں میں پھول بچھاؤں گا

مَیں تیرے لیے ایسا گھر بناؤں گا۔

جس میں پرستان سے پریاں

تیرے غسل کے لیے اُتریں گی

مَیں تیرے نہانے کے لیے

دودھ کا سوئمنگ پُول بنواؤں گا

مَیں تیرے لیے ایسا گھر بناؤں گا

جس میں ستارے تیرا دل بہلائیں گے

شمعیں تیرے حُسن سے جلیں گی

اور رات رات بھر تُمہیں

چاند سے لوریاں سُنواؤں گا

مَیں تیرے لیے ایسا گھر بناؤں گا۔

جس میں سورج تیرا محافظ ہو گا

تتلیاں تیرے ساتھ کھیلیں گی

اور مَیں کرنوں کے کیساتھ مل کر

تیری چُٹیا بناؤں گا

مَیں تیرے لیے ایسا گھر بناؤں گا۔

جس میں صرف مَیں۔۔۔۔۔۔۔۔۔

تُم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اور ہماری محبت کو بساؤں گا

مَیں تیرے لیے ایسا گھر بناؤں گا۔